Camp Noun lau txapelketatako zortzi final jokatu dira
Gorri-urdinen zelaian honako txapelketa hauetako finalak jokatu dira: Kopakoa, Errekopakoa, Txapeldunen Ligakoa eta Olinpiar Jokoetakoa
Datorren maiatzaren 30ean, Barçak eta Athleticek elkarren aurka jokatuko dute Errege Kopako finalean. Orain arte, lau txapelketatako zazpi final jokatu dira gorri-urdinen zelaian. Koparen kasuan, laugarrena izango da hauxe. Lehen finala 1963ko ekainaren 23an izan zen, eta Barçak 3-1 irabazi zion Zaragozari. Handik zazpi urtera, 1970eko ekainaren 28an, Real Madrilek eraman zuen titulua, Valentziari 3-1 irabazita. Kopako azken finala orain dela bost denboraldi izan zen, 2010eko ekainaren 19an, zehazki. Sevillak 2-0 irabazi zion Atletico Madrili.
Errekopako bi
Bartzelonaren zelaian Europako Errekopako bi final izan dira. Lehena 1971-1972ko denboraldian. Glasgow Rangers eta Dinamo Mosku elkarrekin aritu ziren, eta eskoziarrek irabazi zuten, 3-2. Bigarrenean, Barça izan zen finalista. 1982ko maiatzaren 12an, gorri-urdinek beren bigarren Europako Errekopa irabazi zuten, Standar Lieja 2-0 mendean hartuta, Simonsenen eta Quiniren golei esker.
Txapeldunen Ligakoak
Gainera, Europako lehiaketa gorenaren bi final jokatu dira. Izena oraindik Europako Kopa zuela, Arrigo Sacchiren Milan taldeak, hamaikakoan Frank Rijkaard zuela, lehen titulu handia lortu zuen, Steauari 4-0 erraz irabazita. Hamar urte geroago, Manchester Unitedek irabazi zuen Txapeldunen Liga, Bayern Munichi azken minutuetan bi gol sartu eta partidari buelta emanda (2-1).
Utilizamos cookies propias y de terceros para analizar y entender como se utiliza nuestra página web y qué contenidos son más relevantes, así como cookies publicitarias para gestionar la publicidad que le mostramos tanto en nuestra web como en otras de terceros, y que puede ser personalizada según su navegación e interés en nuestros contenidos. Puede aceptar todas las cookies pulsando “CONTINUAR”, rechazarlas pulsando “RECHAZAR COOKIES” o acceder a la Política mediante el botón “MÁS INFORMACIÓN”.